Connect with Us

Studimi: Prindër më të mëdhenj në moshë, fëmijë më pak agresivë dhe problematikë

Kuriozitete

Studimi: Prindër më të mëdhenj në moshë, fëmijë më pak agresivë dhe problematikë

Publikuar

-

Sa e rëndësishme është mosha e prindërve, për mirëqenien mendore të fëmijëve të tyre? Më mirë prindër shumë të rinj, apo më të pjekur në moshë? Sigurisht, nuk ka një përgjigje të prerë, dhe kjo vlen për të gjithë. Megjithatë një studim i kryer së fundmi nga Universiteti i Utrehtit në Holandë, tregon se pasja e fëmijëve kur nuk je më i ri, mund të ketë avantazhet e veta. 

Në fakt, fëmijët e prindërve më të mëdhënj në moshë, duket se kanë më pak probleme që lidhen me sjelljen e tyre. Për shembull, fëmijët kanë tendencën të jenë më pak agresivë. Këto rezultate janë zbuluar në një studim që përfshiu të rinj të moshës 10-12 vjet (para adoleshencës dhe fillimin e adoleshencës, një fazë kritike e zhvillimit të njeriut).

Studimet e mëhershme, kishin treguar se bërja prindër në një moshë më të madhe se mesatarja (sidomos e babait), shoqërohet me një rrezik të shtuar të patologjive të ndryshme tek fëmijët. Midis këtyre ishin paaftësia intelektuale, çrregullime të spektrit të autizmit (jo të gjitha studimet arrijnë në këtë përfundim), dhe në disa raste edhe sëmundja e skizofrenisë.

Sipas studimit në fjalë, studiuesit donin të kuptonin më mirë lidhjen midis moshës së prindërve, dhe pranisë së anomalive të sjelljes së fëmijëve. Pra këtë herë fokusi i studimit, nuk qenë sëmundjet në vetvete, por ndryshimet në fazën e hershme ose të shfaqura në një formë të lehtë. Studiuesit analizuan thuajse 33 mijë fëmijë dhe të rinj holandezë, të moshës 10-12 vjeçare. Studimi, mori në konsideratë disa elementë të sjelljes, duke i lidhur të dhënat me moshën e prindërve. Problemet që u verejtën u raportuan nga prindërit, mësuesit dhe vetë fëmijët, përmes një serie pyetësorësh të standardizuar.  Mosha e prindërve në kohën e lindjes së fëmijëve, varionte nga 16 në 46-vjeçe për nënat, dhe nga 17 në rreth 65-68 vjeç për baballarët. 

Studimi tregon se fëmijët dhe të rinjtë me prindër më të moshuar, kishin mesatarisht më pak probleme me sjelljet e jashtme (pra ato që lidhen me mënyrën e shprehjes së emocioneve të tyre). Përkundrazi, ata me prindër më të rinj shfaqnin më shpesh sjellje jo të përshtatshme, duke dëshmuar agresivitet, provokuar të tjerët, dhe pasur prirjen për të thyer rregullat, dhe për të patur qëndrime kundërshtuese.

Të pyetur mbi arsyet e këtij fenomeni, mësuesit treguan se rrënjët mund të gjenden kryesisht në statusin më të lartë socio-ekonomik të prindërve që janë bërë prindër në një moshë më të madhe.  “Ka shumë gjasa – thotë Dorret Boomsma e Universitetetit të Amsterdamit, që ka qenë në mesin e autorëve të studimit – se një ndër arsyet pse prindërit më të moshuar kanë fëmijë me më pak probleme me agresivitetin, është fakti që ata kanë më shumë burime financiare, dhe një nivel më të lartë arsimor”. 

Por këto elemente, vazhdon eksperti, nuk e shpjegojnë plotësisht numrin më të ulët të këtyre problemeve tek fëmijët e këtyre prindërve. Në fakt, edhe kur sheshohen pabarazitë ekonomike dhe sociale midis familjeve të përfshira, rezultatet mbeten të njëjta. 

Përshtatur nga CNA.al

KLIKO PER TE KOMENTUAR

Leave a Reply

Your email address will not be published. Required fields are marked *

Kuriozitete

Do të mahniteni/ Zbuloni 10 fotot më hipnotizuese në botë që do t’ju “ngacmojnë” mendjen

Publikuar

-

Nga

Realiteti ndonjëherë mund të jetë një enigmë. Ligjet e fizikës mund të krijojnë iluzione dhe fenomene të mahnitshme optike që na bëjnë të dyshojmë atë që shohim dhe kërkojmë një fotografim të dytë. Truri ynë është gjithmonë në kërkim të modeleve për gjërat e përditshme dhe kur i gjejmë ato na shpërblen me këto kapje […]

LEXO TE PLOTE

Kuriozitete

Zgjidhni një foto dhe zbuloni se kush keni qenë në një jetë të kaluar

Publikuar

-

Nga

A besoni në rimishërim ? Nëse po, me siguri keni pyetur veten se çfarë lloj personi ose kush ishit në një jetë të kaluar. Ky kuiz mund t’ju ndihmojë të mësoni më shumë rreth një jete të kaluar. Zgjidhni një foto dhe zbuloni se çfarë lloj personi mund të keni qenë në një jetë të kaluar: Nëse keni zgjedhur […]

LEXO TE PLOTE

Kuriozitete

Përjetoni më pak stres/ Habit studimi, ja çfarë do të thotë të punosh në një zyrë me një mik të ngushte

Publikuar

-

Nga

Shumica e njerëzve kalojnë më shumë kohë në punë sesa në shtëpi, kështu që është e natyrshme që ata janë të prirur të krijojnë lidhje me kolegët e tyre. Përtej një marrëdhënieje profesionale, është e rëndësishme të keni dikë që feston arritjet tuaja të punës dhe në të njëjtën kohë, t’ju dëgjojë kur duhet të flisni […]

LEXO TE PLOTE