Connect with Us

Bie miti/Konsumi i çokollatës, nuk e kuron depresionin

Life Style

Bie miti/Konsumi i çokollatës, nuk e kuron depresionin

Publikuar

-

Një studim i fundit, i bërë publik në revistën “Depression and Anxiety”, ka tërhequr shumë vëmendjen e mediave. Sipas tij konsumi i çokollatës, dhe në veçanti i asaj të zezë, zvogëlonte simptomat e depresionit. Por për fat te keq, ne nuk mund të përdorim këtë studim, për të promovuar ngrënien e çokollatës, si një lloj mbrojtje kundër depresionit, një gjendje serioze e shëndetit mendor.

Kjo për shkak se ky studim shqyrtoi një lidhje midis dietës, dhe depresionit në popullatën e përgjithshme. Por nuk qëmtoi shkakun. Me fjalë të tjera, nuk ishte dizenjuar për të konfirmuar nëse konsumi i çokollatës së zezë, shkaktonte apo jo një ulje të simptomave depresive.

Dhe çfarë bënë studiuesit? Ata shqyrtuan të dhënat në rang kombëtar mbi shëndetin dhe egzaminimin e të ushqyerit në SHBA. Njerëzit në studim, raportuan në 2 mënyra çfarë kishin ngrënë 24 orët e fundit. Së pari, ata u kontaktuan personalisht nga një intervistues i trajnuar me dietat ushqimore, që kreu me ta një pyetësor standard. 

Herën e dytë u pyetën përmes telefonit se çfarë kishin ngrënë, vetëm disa ditë pas intervistës së parë. Studiuesit llogaritën se sa çokollata kishin konsumuar pjesëmarrësit në studim, duke përdorur mesataren e këtyre dy pyetësorëve. Çokollata e errët, duhej të përmbante të paktën 45 për qind kakao të pastër, që të llogaritej si e tillë. 

Studiuesit, përjashtuan nga analiza e tyre njerëzit që konsumonin një sasi të madhe çokollate, ata që ishin nën peshë, apo që vuanin nga diabeti. Të dhënat e mbetura (nga 13.626 njerëz) u ndanë në dy mënyra. Njëra sipas kategorive të konsumit të çokollatës (pa çokollatë, me çokollatë por pa çokollatë të errët, dhe çdo lloj çokollate të errët). 

Mënyra tjetër bazohej tek sasia e çokollatës (pa çokollatë, dhe më pas në grupe, nga konsumi më i ulët, në atë më të lartin). Studiuesit vlerësuan simptomat depresive të njerëzve, duke i udhëzuar pjesëmarrësit të plotësonin një pyetësor të shkurtër, ku pyeteshin për shpeshtësinë e këtyre simptomave gjatë 2 javëve të fundit. 

Studiuesit kontrolluan faktorë të tjerë që mund të ndikojnë në çdo marrëdhënie midis çokollatës dhe depresionit, si pesha, gjinia, faktorët socio-ekonomikë, duhanpirja, konsumi i sheqerit dhe aktriviteti fizik. Dhe çfarë zbuluan studiuesit? 

Nga i gjithë kampioni, 1.332 (11 për qind) e njerëzve, thanë se kishin ngrënë çokollata gjatë 2 raportimeve të të tyre dietike 24-orëshe, ndërsa vetëm 148 (1.1 për qind) raportuan se kishin ngrënë çokollatë në ngjyrë të errët. Në total 1.009 prej tyre (7.4 për qind), raportuan simptoma depresive. 

Por pasi u përshtatën për faktorë të tjerë, studiuesit nuk gjetën asnjë lidhje midis konsumimit të çokollatës dhe simptomave depresive. Gjithsesi, njerëzit që konsumonin çokollatë të errët, kishin 70 për qind shanse më pak për të raportuar simptoma depresive klinike të rëndësishme, sesa ata që nuk raportonin konsumimin e çokollatës. 

Kur shyrtuan sasinë e çokollatës së konsumuar, njerëzit që hanin më shumë çokollatë, kishin më shumë gjasa të kishin më pak simptoma depresive. Prodhuesit e çokollatave, kanë qenë një burim i mirë financimi për pjesën më të madhe të hulumtimeve mbi efektet pozitive të produkteve të tyre. Ndërsa autorët e këtij studimi të ri, nuk deklarojnë ndonjë konflikt interesi, çdo raportim për mungesën e efekteve pozitive të çokollatës në lehtësimin e simptomave depressive, e zbeh publicitetin ndaj këtij produkti. 

KLIKO PER TE KOMENTUAR

Leave a Reply

Your email address will not be published. Required fields are marked *

Life Style

Facebook merr vendimin e papritur/ Pezullon mijëra aplikacione

Publikuar

-

Nga

Facebook ka pezulluar dhjetëra mijëra aplikacione si pjesë e një investigimi pas skandalit të të dhënave nga Cambridge Analytica.

Aplikacionet ishin të lidhura me 400 zhvillues tha ai. Facebook deklaroi se jot ë gjitha aplikacionet kishin lidhje me përdoruesit. Kompania ra nën presion të madh në 2018 pasi u zbulua se Cambridge Analytica kishte hyrë në të dhënat e shumë përdoruesve pa leje.

Facebook u gjobit me 5 miliardë dollarë në korrik nga Komisioni Federal i Tregtisë i SH.B.A.-së, në ato që besohej të ishin gjobat më të mëdha të vendosura ndonjëherë për çdo kompani për shkeljen e intimitetit të konsumatorëve.

Pse po pezullon Facebook aplikacionet?

Skandali i Cambridge Analytica, i cili përfshinte të dhënat e dhjetëra miliona njerëzve, ishte jashtëzakonisht i dëmshëm për Facebook dhe kompania që nga ajo kohë është përballur me padi dhe kritika ndërkombëtare.

Tani po kërkon të përmirësojë masat mbrojtëse të intimitetit dhe imazhin e saj. Facebook shtrëngon rregullat mes frikës së zgjedhjeve për vitin 2020. Facebook gjobiti 500,000 për skandalin e të dhënave.

Si pjesë e kësaj, në mars të vitit të kaluar Facebook filloi një hetim për aplikacionet në platformën e tij, duke përfshirë qindra avokatë, shkencëtarë të të dhënave dhe inxhinierë.

LEXO TE PLOTE

Kuriozitete

Nga Florida në Tajlandë/ Zbuloni 7 vijat bregdetare më të bukura në botë

Publikuar

-

Nga

Brigje, plazhe, ishuj, oqeane, male, shkëmbinj dhe gadishuj. Nëse doni t’i shihni të gjitha këto, atëherë “MailOnline Travel” ka menduar për ju dhe ka publikuar disa prej fotove më spektakolare të vijave bregdetare në botë.

Më sipër do të shikoni një fotogaleri me vijat bregdetare që ofrojnë pamje të jashtëzakonshme.

Tajlandë

Ishujt Faroe

Florida

Marok

Irlande

Indonezi

Marseje

LEXO TE PLOTE

Life Style

Rrezik helmimi dhe probleme shëndetësore/ Zbuloni 11 ushqimet që nuk duhet t’i ngrohni në mikrovalë

Publikuar

-

Nga

A e dinit që jo cdo ushqim duhet të ngrohet në mikrovalë? Sipas ekspertëve ato mund t’ju shkaktojnë probleme shëndetësore, në rast se ngrohen nëpërmjet valëve.

Më poshtë do të njiheni me disa nga ushqimet që mund t’ju rrezikojnë shëndetin nëse i ngrohni në mikrovalë.

Selino, spinaqi dhe panxhari

Nxhetësia mund të shkaktojë që nitratet e këtyre perimeve të kthehen në toksike, apo të kenë veti kancerogjene kur ngrohen për herë të dytë. Prandaj është mirë që këto ushqime të mos ngrohen sërish.

Vezët

Nëse rinxehni vezën e zier apo të skuqur, mund të keni rrezik që të helmoheni, si dhe do të keni probleme me sistemin tretës.

Kërpudhat

Ngrohini në tigan: mikrovala mund t’i shkatërrojë dhe t’ju provokojë dhimbje stomaku.

Patatet

Ngrohja në mikrovalë ndryshon shijen dhe konsistencën e patateve, por jo vetëm: në patatet e gatuara dhe më pas të lëna në temperaturën e ambientit, tenton të zhvillohet ‘clostridium botulinum’. Mikrovala nuk është në gjendje ta shkatërrojë këtë bakter. Më mirë ngrohini në furrë ose tigan.

Pula

Kurrë në mikrovalë. Më mirë ngroheni në furrën tradicionale. Mishi i pulës kontaminohet lehtë nga bakteret dhe për të eliminuar këto mikroorganizma, duhet një nxehtësi e fortë e përhapur në mënyrë uniforme, gjë që nuk e siguron dot mikrovala.

Piza

Pica është një ushqim që mund të konsumohet edhe në temperaturën e ambientit. Nëse preferoni ta ringrohni, evitoni mikrovalën sepse e zbut shumë. Ngroheni në furrën tradicionale pasi ajo e lë krokante.

Orizi

Lënia e orizit në temperaturën e ambientit lejon shumimin e baktereve të cilat mund të shkaktojnë probleme të zorrëve: ngrohja në mikrovalë nuk i eliminon këto baktere.

Spinaqi

Spinaqi, ashtu si perimet e tjera me gjethe jeshile, mund të përmbajë sasi të rëndësishme nitratesh. Ngrohja në mikrovalë mund t’i transformojë ato në nitrite dhe më pas në nitrosamine, përbërje organike të klasifikuara si kancerogjene: mund të ndikojnë në kapacitetin e gjakut për të transportuar oksigjen.

Mishin e përpunuar

Mos ngrohni ëurstel në mikrovalë: gatimi në mikrovalë gjeneron produkte të oksidimit të kolesterolit të cilat lidhen me sëmundje kardiake.

Specat djegës

Valët e mikrovalës gjenerojnë një reaksion kimik me kapsacinën dhe kjo jo vetëm thekson shijen djegëse të specave, por mund t’i bëjë edhe helmuese.

Bukët dhe fokaçet

Brumi i bukëve dhe fokaçeve ndryshon konsistencën dhe humbet shijen kur futet në mikrovalë.

LEXO TE PLOTE