Connect with Us

Çfarë ndodh me trupin tuaj kur qani?

Life Style

Çfarë ndodh me trupin tuaj kur qani?

Publikuar

-

Pavarësisht nëse shkaktohet nga parja e një filmi të trishtë, ribashkimet familjare, apo alergjitë,  e qara duket se u shërben shumë qëllimeve. Një lëng i kripur rrjedh nëpër sipërfaqen e syve tuaj, dhe në fund ju ndiheni më mirë. Ndërsa edhe kafshët e tjera kanë lotë, njerëzit janë kafshët e vetme, që mund të lotojnë për shkak të emocioneve.

Megjithatë Çarls Darvini, babai i evolucionit, shkruante dikur se e qara ishte “e paqëllimshme”. Gati 150 vjet më vonë, të qarat emocionale, janë ende një nga misteret më të mëdha të trupit tonë. Por ja çfarë dimë deri tani mbi to.

Llojet e lotëve

Lotët mund të duken njëlloj kur bie nga sytë. Në fakt Akademia Amerikane e Oftalmologjisë, dallon 3 lloje lotësh.

Lotët bazikë:Këto lloj lotësh ndodhen gjatë gjithë kohës në sytë tanë, duke i mbrojtur ato nga tharrja, teksa mbrojnë edhe kornenë. Këto lloj lotësh, i mbrojnë sytë nga të gjitha papastërtitë dhe mbeturinat. Sytë tanë, prodhojnë rreth 125-250 mililitra lot çdo ditë.

Lotët refleksivë:Këta dalin, kur sytë përballen me elementë irritues si tymi, pluhuri, apo era e qepës. Këto lotë mund të përmbajnë antitrupa shtesë, që ndihmojnë në luftimin e baktereve.

Lotët emocionalë:Ne i prodhojmë këto lotë, kur i kapërcejmë të gjitha llojet e emocioneve, duke nisur nga gëzimi dhe trishtimi, deri te frika dhe stresi. Disa shkencëtarë, besojnë se lotët emocionalë kanë hormone dhe protein, që nuk gjenden në llojet e tjera të lotëve.

“Përfitimet” nga të qarit

Ne e kuptojmë qëllimin fiziologjik të lotëve bazikë dhe atyre refleksivë. Por sado paradoksale mund të duket, nga e qara emocionale njeriu ka shumë përfitime. Ja cilat janë ato.

Fiton vëmendjen e të tjerëve:Foshnjat qajnë për të na njoftuar se kanë nevojë për diçka, duke bërë që njerëzit (nëna, babai, familjarët e tjerë) t’u kushtojnë vëmendje. E qara është mënyra e tyre për të thënë se janë të uritur, u flihet gjumë, se nuk ndihen rehat etj, kur nuk munden ende të flasin. Djemtë dhe vajzat qajnë thuajse njëlloj. Megjithëse kur rriten, gratë thuhet se kanë prirjen të qajnë më shumë se sa burrat.

Lehtëson stresin:Disa studiues, besojnë se të qarat zhdukin hormonet e stresit dhe substancat e tjera toksike, që mund të ndërtohen gjatë stresit. Frenimi i lotëve dhe i emocioneve, ka të ngjarë të jetë me kalimin e kohës një gjë jo e shëndetshme. Disa studime, thonë se frenimi i lotëve është i lidhur me një rrezik më të lartë të sëmundjeve të zemrës dhe presionit të lartë të gjakut. Ndërkohë, studime të tjera tregojnë se njerëzit që vuajnë nga ulçera dhe koliti, kanë më pak të ngjarë të qajnë, sesa njerëzit që nuk vuajnë prej tyre. Një studim tjetër nga studiuesit e Universitetit të Kuinslendit në Australi, zbuloi se të qarët mund të ndihmojë në rregullimin e frymëmarrjes gjatë situatave stresuese.

Forcon lidhjet sociale:Studiuesit në Universitetin e Tel Avivit në Izrael, zbuluan se lotët rrëzojnë të gjithë barrierat mbrojtëse, dhe veprojnë si një shenjë e nënshtrimit, duke i afruar më shumë njerëzit. “Lotët nxisin ​​empatinë dhe dhembshurinë tek tjetri”- thotë Majkëll Trimbëll, një neurolog dhe ekspert mbi të qarin.

Manipulon të tjerët:Foshnjat mësojnë rreth moshës 9 muajshe, se përmes të qarit të tyre mund të detyrojnë të tjerët rrotull të bëjnë diçka për ta. Ky është fillimi i asaj, që disa ekspertë e quajnë e qara manipuluese. Disa njerëz, e vazhdojnë këtë lloj të qare edhe në moshën madhore. “Ne mësojmë që herët, se e qara e ka këtë efekt vërtet të fuqishëm tek njerëzit e tjerë”-tha për “Time” Xhonatan Rotenberg, profesor i psikologjisë në Universitetin e Floridas Jugore. 

“Ajo mund të neutralizojë shumë shpejt zemërimin. Kjo është arsyeja pse njerëzit qajnë shpesh gjatë zënkave kur ndihen fajtorë, dhe kur kërkojnë që të falen. Të rriturve u pëlqen të mendojnë se janë jashtë kësaj sjellje, por unë mendoj se sillen pak e shumë njëlloj”- thotë ai.

Përshtatur nga CNA.al

KLIKO PER TE KOMENTUAR

Leave a Reply

Your email address will not be published. Required fields are marked *

Life Style

Lëkura juaj është e irrituar?/ Zbuloni disa mënyra për ta trajtuar atë

Publikuar

-

Nga

Ju mund të shpenzoni shuma të mëdha parash për maska fytyre apo në masazhe, por ka një tjetër anë të cilës ju mund të mos i kushtoni rëndësi, mirëqenia emocionale. Stresi emocional mund të shkaktojë shumë probleme në lëkurë si akne, psoriasis, apo ekzemë, thonë psikodermatologët.

Stresi i lëkurës mund të kthehet në një rreth vicioz dhe kështu problemet tuaja mund të vazhdojnë për shumë vite me radhë.

Megjithatë ka disa mënyra që do ju ndihmojnë të shëroni lëkurën e stresuar si brenda dhe jashtë. Si fillim duhet të merrni pak kohë për t’u relaksuar. Mjafton të kaloni disa çaste me veten apo miqtë duke bërë diçka që doni dhe do të ndjeheni shumë më mirë, gjithashtu edhe lëkura juaj. Një rëndësi të veçantë duhet t’i kushtoni gjumit tuaj, shkruan Revista Who.

Nëse ju flini dhe zgjoheni në të njëjtin orar çdo ditë nuk do të keni më të njëjtat probleme me lëkurën. Duhet patjetër të shkoni dhe të bëni vizita tek dermatologu, sepse vetëm ai mund të caktojë çfarë problemi keni dhe çfarë ju duhet për ta trajtuar.

Një jetesë e shëndetshme në përgjithësi do t’ju ndihmojë shumë për të pasur sa më pak stres dhe lëkurë të pastër. Duhet të shmangni kafeinën, alkoolin dhe pirjen e duhanit. I vendosni qëllim vetes që ta hani në mënyrë të balancuar dhe të konsumoni sa më shumë fruta e perime.

LEXO TE PLOTE

Life Style

Vrasje të vogla/ Oja dëshmon kundër Merves, ja ç’do ndodhë nesër

Publikuar

-

Nga

Mehmet vendos të dëshmojë në favor të Serhanit. Oja nuk pranon të dëshmojë për asnjërin. Serhan i tregon Shebnemit se Oja nuk pranon të dëshmojë. Shebnem i premton se do përpiqet ta bindë Ojan. Shebnem i thotë Ojas se Merve ka përhapur thashetheme të rreme për të në lagjje prandaj askush nuk i erdhi në festë. Oja nga inati vendos të dëshmojë kundër Merves.

Oja tregon që Merve tentoi ta vriste dhe i dha ilaçe Serhanit. Merve i humb shanset për të fituar kujdestarinë e Milës. Tajlan mëson se Pelin po i fsheh diçka. Kerim i çon Merves një ëmbëlsirë që i kujton të shkuarën.

Merve qan dhe i tregon Kerimit se po e humbet Milën. Kerim takohet me Serhanin dhe me qëllim ofendon Ojan. Serhan rreh Kerimin ndërsa dikush i filmon. Merve i përdor pamjet për të fituar kujdestarinë e Milës. Kerim dhe Shebnem njihen me njëri-tjetrin. Pelin mëson se Kerim ka ardhur në Sarmashëk për Merven.

LEXO TE PLOTE

Life Style

Vedat bastis shtëpinë e Tahir/ Ja çfarë do të ndodhë nesër në serialin “Lot në Detin e Zi”

Publikuar

-

Nga

Tahir e çon Nefesin në shtëpinë e tij dhe bën sherr me të vëllain. Mustafa i kërkon Tahirit ta largojë Nefesin. Nefes nuk mund ta durojë sherrin mes vëllezërve dhe thotë se do largohet. Tahir e ndalon dhe thotë se nuk do e lejojë Vedatin ta lëndojë Nefesin.

Asije arrin ta pushojë sherrin mes vëllezërve dhe e merr Mustafain në dhomë. Familja Kaleli dalin për pazar në qendër. Aty gratë nisin të flasin për Nefesin. Merxhan bëhet xheloze kur sheh familjen Kaleli me Nefesin. Tahir e merr Nefesin nga pazari dhe i kërkon llogari. Nefes i tregon Tahirit se prej 8 vitesh nuk ka dalë nga shtëpia.

Tahir mbushet me urrejtje për Vedatin dhe i dhimbset Nefesi. Vedati udhëton natën për në Syrmene dhe me vete ka armë. Prania e Nefesit nis sherrin në familje. Nefes vendos të largohet pasi ofendohet nga e ëma e Tahirit.

Tahir i thotë Nefesit të flejë edhe një natë në shtëpinë e tij dhe të nesërmen do e nisë për udhëtim. Nefes dhe Tahir nuk i zë gjumi nga mendimet. Vedat arrin në shtëpinë e Tahirit natën vonë. Ai dhe njerëzit e tij bastisin shtëpinë Kaleli por nuk e gjejnë Nefesin. Ajo ia ka mbathur me djalin.

LEXO TE PLOTE