Connect with Us

Rreziku i cigareve elektronike: Edhe një përdorim i vetëm, i ndryshon menjëherë enët tona të gjakut

Blog

Rreziku i cigareve elektronike: Edhe një përdorim i vetëm, i ndryshon menjëherë enët tona të gjakut

Publikuar

-

Prej më shumë se një dekadë, cigaret elektronike janë promovuar si një alternativë më e sigurtë ndaj pirjes tradicionale të duhanit. Por as kjo metodë, nuk është pa dëmet e saj. Vitet e fundit, janë shfaqur një numër në rritje shqetësimesh mbi cigaret elektronike, dhe potencialin e tyre për të dëmtuar shëndetin tonë.

Cigaret normale, janë shkaku kryesor i sëmundjeve kardiovaskulare në Shtetet e Bashkuara. Por tashmë një studim i ri sugjeron që efektet e cigareve elektronike, mund të shkojnë përtej mushkërive. Studiuesit e Universitetit të Pensilvanisë, zbuluan një ndryshim të menjëhershëm të enëve të gjakut dhe sistemit të qarkullimit të gjakut, edhe kur nuk kishte absolutisht ndonjë prani të nikotinës.

“Cigaret elektronike reklamohen si jo të dëmshme, dhe shumë përdorues të tyre janë të bindur se ata thjesht thithin avujt uji”-thotë radiologisja Alesandra Kaporale. “Por tretësit, aromatizuesit dhe aditivët i ekspozojnë përdoruesit ndaj dëmeve të shumta në rrugët e frymëmarrjes, dhe enët e gjakut”.

Në thelb, cigarja elektronike e shndërron në avull një lëng të caktuar, ngjashëm me aparatin e aerosolit, avulli i të cilit depërton lehtë në mushkëri. Ky lëng, përmban zakonisht një kombinim të propilen glikolit, glicerinës, nikotinës, ujit, aromatizuesve ose konservuesve.

Për të hulumtuar efektet shëndetësore të avullit të lëngut të rrushit, Kaporale dhe kolegët e saj ekzaminuan 31 të rritur, të moshës 19-33 vjeç, të cilët nuk kishin ndonjë histori të duhanpirjes apo probleme të dukshme kardiovaskulare, në aparatin respirator apo atë neurovaskular.

Secili prej pjesëmarrësve në studim, iu dha një cigare elektronike me një lëng që nuk përmbante nikotinë, por kishte vetëm një përzierje uji dhe propilen glikoli ose glicerinë. Më pas, pjesëmarrësit u udhëzuan më thithnin 16 herë cigaret nga 3 sekonda. Një skaner MRI u përdor për të ekzaminuar para dhe pas enët e tyre të gjakut. Duke u ndalur në 3 arterie, në këmbë, zemër dhe tru, studiuesit vunë re mungesën e ngushtimit në secilën tyre, me më shumë se 30 për qind.

Mesatarisht, enët e tyre të gjakut u holluan me 34 përqind pas thithjes së cigareve elektronike.

Pasi i udhëzuan pjesëmarrësit të mbledhin dhe lëshojnë këmbët, studiuesit vurë gjithashtu re një ulje prej 25 për qind të përshpejtimit të gjakut, dhe rrjedha e gjakut u reduktua me 17.5 përqind. Njëherazi, nivelet e oksigjenit brenda enëve të gjakut të egzaminuara, ranë me 20 përqind.

“Ne e prisnim të kishte një lloj efekti, por jo kaq shumë të madh”- thotë radiologu Feliks Vehrli  për “Ëired” . Gjetjet sugjerojnë që avullimi mund të jetë i dëmshëm në rreshtimin e brendshëm të enëve tona të gjakut, të njohur si endotelium. Kjo e fundit, mendohet se i paraprin ndërtimit të pllakave në arteriet tona.

Dhe ndonëse inflamacioni vaskular ishte jetëshkurtër dhe i riparueshëm, sugjeron se në këtë dukuri ka diçka më të thellë sesa kaq. Dhe ajo s’ka asnjë lidhje me nikotinën. “Bindja e zakonshme, është se toksike është vetëm nikotina, por ne kemi zbuluar se ka rreziqe që janë të pavarura prej kësaj të fundit. Nëse pati një efekt kaq të dukshëm pas një përdorimi të vetëm të një cigareje elektronike, atëherë mund ta imagjinoni se çfarë lloj dëmtimi të përhershëm mund t’i shkaktohet organizimit me kalimin e viteve”- thotë Vehrli.

Ndërsa përbërësit në lëngun e cigares, mund të jenë të padëmshëm të hahen, kur nxehen, ato kanë potencialin të shndërrohen në toksike. Dhe pasi të thithen, këto toksina mund të depërtojnë në rrjedhën e gjakut, duke çuar kështu në një inflamacion vaskular ose në një stres oksidues. Duke pasur parasysh se këto lloj cigaresh po përdoren në botë prej rreth 15 vjetësh, është e pamundur të thuhet me saktësi se cilat janë efektet afatgjata.

Por vetëm javës që shkoi, mbi 150 njerëz në Shtetet e Bashkuara, janë sëmurë me një dëmtim të rëndë dhe potencialisht të rrezikshëm të mushkërive, e lidhur me përdorimin e cigareve elektronike. Disa nga këta pacientë kishin probleme kaq të mëdha me frymëmarrjen, saqë u shtruan në repartin e kujdesit intensiv.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Leave a Reply

Your email address will not be published. Required fields are marked *

Blog

Studimi/Pirja e paracetamolit gjatë shtatëzanisë, i bën fëmijët hiperaktivë, dhe u shkakton probleme me përqendrimin

Publikuar

-

Nga

Një studim i ri nga Universiteti i Bristolit në Britaninë e Madhe, u shtohet provave që lidhen me efektet e mundshme anësore nga pirja e e paracetamolit gjatë shtatëzanisë. Hulumtimi i botuar në revistën “Paediatric and Perinatal Epidemiology”, shqyrtoi nëse ka ndonjë ndikim mes pirjes së paracetamolit në mesin e shtatzënisë, dhe sjelljes së pasardhësve […]

LEXO TE PLOTE

Blog

Dilema/Për sa orë gjumë kemi nevojë?

Publikuar

-

Nga

Kur kemi qenë fëmijë, mund të kemi protestuar dhjetëra here, duke mos dashur të flejmë në drekë. Por si të rritur, e dimë se gjumi është jetik për mirëqenien tonë. Shekspiri e quante gjumin “banjën e ëmbël pas një pune raskapitëse, balsamin e mendjeve të lënduara, ushqimin kryesor në jetë”. Përtej shprehjeve poetike, gjumi është […]

LEXO TE PLOTE

Blog

Pse ndikon drita e Hënës së plotë mbi gjumin tonë?

Publikuar

-

Nga

Shumë njerëz thonë se kur Hëna është e plotë, ata qëndrojnë zgjuar, ose e kanë të vështirë të flenë normalisht. Tashmë një studim i fundit, i publikuar në revistën “Current Biology”, i mbështet pretendimet e tyre. Në një studim të vogël të 33 njerëzve, studiuesit zbuluan se fazat e Hënës, ndikojnë në cilësinë e gjumit […]

LEXO TE PLOTE
Lajme të Rekomanduara: