Connect with Us

Ja çfarë zbulon mbi personalitetin tuaj psikologjia e mediave sociale

Blog

Ja çfarë zbulon mbi personalitetin tuaj psikologjia e mediave sociale

Publikuar

-

A i përdorni mediat sociale? Nëse po, çfarë lloj gjërash postoni? Fotografitë e darkës tuaj, deklarata politike, selfi, përditësimet e marrëdhënieve? Shumica prej nesh i përdorin mediat sociale, për të folur me fëmijët tanë, për të rritur ndërgjegjësimin mbi një kauzë, apo edhe për të shpallur dashurinë tonë të madhe ndaj partnerit. 

Për pasojë, është e natyrshme që psikologët kanë filluar t’i përdorin mediat sociale, si një mënyrë për të depërtuar në mendjet tona. Por ç’mund të na thotë psikologjia e mediave sociale? Psikologjia e mediave sociale, mund të zbulojë në fakt më shumë sesa mendojmë ose duam ne.

Na pëlqen apo jo, sa herë që postojmë në mediat sociale, pas postimeve fshihet një axhendë e caktuar. Dhe këto axhenda janë më të lehta të identifikohen në disa postime sesa tek të tjerat.

Për shembull, selfit. Pse njerëzit postojnë foto të vetes së tyre që janë filtruar më parë, dhe që kanë manipuluar të gjithë realitetin e fotografuar nga ata vetë? Përgjigja: Që të tjerët t’i komplimentojnë, dhe në këtë mënyrë ata forcojnë vetëvlerësimin e tyre. Sa herë që postojmë, zbulojmë diçka mbi personalitetin tonë. Pra pse postojmë në mediat sociale? Sipas psikologëve, ekzistojnë disa arsye:

Nevoja për t’u vetë-shprehur, duke rrefyer histori, shaka, duke u ankuar, duke zbuluar informacione personale.

Nevoja për t’u ndjerë të vlefshëm: postimi i selfi-ve, kërkimi i vëmendjes , dëshira për t’u pranuar nga të tjerët.

Komunikimi, lidhja me familjen, me miqtë.

Ndarja e informacionit jopersonal: postimi i punëve aktuale, lajmeve, ngjarjeve politike.

Ne i përdorim këto arsye, për të zbuluar informacione në mediat sociale. Pra, ne flasim mbi aktivitetet tona shoqërore, marrëdhëniet tona të rëndësishme, arritjet, interesat intelektuale, dietën ushqimore dhe ushtrimet fizike, dhe jetën e përditshme. Një studim mori në shqyrtim Pesë Personalitete të Mëdha, dhe postimet e tyre në mediat sociale:

Tipat e hapur (ekstrovertët)

Këta kanë prirjen t’i përdorin mediat sociale, për të postuar gjëra në lidhje me jetën e tyre sociale. Ekstrovertët, pëlqejnë të postojnë fotografi të aventurave të tyre të veçanta. Kanë zakonisht një numër të madh miqsh, dhe mediat sociale i përdorin kryesisht për të komunikuar.

Tipat neurotikë

Kanë tendencën të flasin në internet, mbi dramat e tyre personale dhe emocionale. Janë në kërkim të mbështetjes emocionale dhe vlefshmërisë, që mund të mos e marrin në jetën reale. Nuk kanë shumë miq në rrjet, por ndajnët gjëra tepër personale më te tjerët, pasi u duhet një përgjigje.

Tipat mendje-hapur

Këtyre njerëzve, u pëlqen t’i përdorin mediat sociale për të shkëmbyer ide të reja. Kjo nuk është aspak befasuese, pasi të qënit mendje-hapur shoqërohet me kreativitet, kuriozitet dhe një mendje intelektuale. 

Tipat konsensualë dhe bashkëpunues

Këta njerëz, kanë një sjelle bashkëpunuese dhe ndërmjetësuese. Atyre nuk u pëlqen sjellja e njerëzve që kërkojnë vëmendje, apo njerëzit që u bëjnë keq të tjerëve. Kur postojnë diçka, synimi i tyre kryesor është thjesht komunikimi. 

Tipat e ndërgjegjshëm

Nga të gjitha llojet e Pesë Personaliteteve më të Mëdha, njerëzit e kësaj kategorie postojnë më pak në mediat sociale. Sidoqoftë, edhe kur e bëjnë këtë, ata nuk postojnë për të tërhequr vëmendjen ose pranimin nga të tjerët. Ata kanë prirjen t’u bëjnë ‘share’ temave të sigurta si ato sociale dhe problematikat aktuale.

Çfarë tregon postimi i fotove në mediat sociale?

Një studim i ri, shqyrtoi ndryshimet midis postimit të selfit nga meshkujt dhe femrat, dhe tipareve të personalitetit që ata ndajnë. Ai tregoi se burrat që postonin shpesh selfi, kishin më shumë shkallë të narcizmit dhe psikopatisë në testin e kryer.  Sidoqoftë, psikopatia nuk ka lidhje me modifikimin e fotove, ndërsa narcizmi po. 

Sa për gratë, selfit janë të lidhura me auto-objektivizimin, që do të thotë të vlerësosh veten vetëm për pamjen tënde, por jo për arritjet e tua. Kjo nuk është aspak befasuese në botën e sotme, ku pamja e një personi duhet të jetë e përsosur. Nëse një grua poston shpesh selfi, kjo flet për një nevojë që ajo ka për njohje dhe pranim nga të tjerët, si dhe për një mani të madhe për t’u dukur.

Çiftet

Njerëzit që postojnë fotot të vetes me partnerin e tyre, po i thonë me zë shumë të lartë botës:”Më duan, jam e denjë për këtë partner të mahnitshëm, shih sa e lumtur që jam!”. Njerëzit që bëjnë shpesh postime të tilla, ndoshta nuk kanë pasur më parë fat në dashuri, ose po përpiqen t’i thonë diçka ish-partnerit. Por njerëzit që janë të lumtur në një marrëdhënie, nuk kanë nevojë t’ua tregojnë atë të tjerëve.

Familja dhe fëmijët

Ju jeni të lumtur me jetën tuaj, fëmijët dhe familja juaj janë arritjet tuaja për të cilat jeni krenarë.

Foto në natyrë 

Tregojnë se jeni të kënaqur me jetën në përgjithësi. Por mund të tregojë gjithashtu dëshirën për një ritëm më të ngadaltë në jetë.

Fotot të ushqimeve, ose duke ngrënë 

A postoni gjithnjë foto të ushqimeve që porosisni në restorante, apo që keni gatuar në shtëpi? Në përgjithësi mund të tregojë që e vlerësoni ushqimin e mire. Por nëse e teproni me to, kjo tregon mungesë të vetëvlerësimit./ Përshtatur nga CNA.al

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Leave a Reply

Your email address will not be published. Required fields are marked *

Blog

Studimi/Pirja e paracetamolit gjatë shtatëzanisë, i bën fëmijët hiperaktivë, dhe u shkakton probleme me përqendrimin

Publikuar

-

Nga

Një studim i ri nga Universiteti i Bristolit në Britaninë e Madhe, u shtohet provave që lidhen me efektet e mundshme anësore nga pirja e e paracetamolit gjatë shtatëzanisë. Hulumtimi i botuar në revistën “Paediatric and Perinatal Epidemiology”, shqyrtoi nëse ka ndonjë ndikim mes pirjes së paracetamolit në mesin e shtatzënisë, dhe sjelljes së pasardhësve […]

LEXO TE PLOTE

Blog

Dilema/Për sa orë gjumë kemi nevojë?

Publikuar

-

Nga

Kur kemi qenë fëmijë, mund të kemi protestuar dhjetëra here, duke mos dashur të flejmë në drekë. Por si të rritur, e dimë se gjumi është jetik për mirëqenien tonë. Shekspiri e quante gjumin “banjën e ëmbël pas një pune raskapitëse, balsamin e mendjeve të lënduara, ushqimin kryesor në jetë”. Përtej shprehjeve poetike, gjumi është […]

LEXO TE PLOTE

Blog

Pse ndikon drita e Hënës së plotë mbi gjumin tonë?

Publikuar

-

Nga

Shumë njerëz thonë se kur Hëna është e plotë, ata qëndrojnë zgjuar, ose e kanë të vështirë të flenë normalisht. Tashmë një studim i fundit, i publikuar në revistën “Current Biology”, i mbështet pretendimet e tyre. Në një studim të vogël të 33 njerëzve, studiuesit zbuluan se fazat e Hënës, ndikojnë në cilësinë e gjumit […]

LEXO TE PLOTE
Lajme të Rekomanduara: