Ajo jeton prej disa vitesh në Itali, por këngëtarja shqiptare Elhaida Dani, vjen edhe në Shqipëri për të kënduar këngët e saj më të fundit.

Por fillimet e Elhaidës në Itali nuk kanë qenë të lehta. Në një intervistë për “Revista Class”, ajo ka treguar se ka ndjenjur 12 orë në aeroport, e trembur pasi e kishin ndaluar të futej në Itali.

“Isha 19 vjeç kur u nisa për të marrë pjesë në ‘TVOI’ në 2013-ën. Mbaj mend që kur avioni mbërriti në Romë dhe ndalova në doganë për kontrollin e pasaportave më pyetën se sa lekë kisha me vete, unë përgjigjem duke thënë se kisha me vete një shumë qesharake pasi në atë kohë ajo ishte mundësia ime ekonomike. Dhe kështu më ndalojnë të futem në Itali pasi nuk kisha mjaftueshëm para me vete…Mbaj mend 12 orë në aeroport mes policisë, një vajzë e trembur që nuk komunikonte akoma në italisht dhe nuk kishte as mundësinë për të telefonuar familjen për t’i treguar çfarë kishte ndodhur”, tregoi Elhaida.

Tashmë e dimë që mosha për Jennifer Lopez nuk ka më rëndësi. Kjo sepse format e saj seksi nuk kanë ndryshuar edhe pas 20 vitesh.

Së fundmi Jennifer mbylli shfaqjen e Versace-s në Javën e Modës në Milano duke u shfaqur e veshur me fustanin ikonik Versace që 20-vite më parë e veshi në ndarjen e çmimeve Grammy dhe rrembeu vëmendjen e të gjithëve.

Fustani Versace me printe tropikale është quajtur nga Lopez si momenti i saj më i madh në fushën e modës. Kohë më parë, Jennifer tregoi historinë që fshihej pas fustanit :

“Ky fustan është zgjedhur në minutë të fundit. Unë kam qenë duke u marrë me xhirimet e filmit “The Wedding Planner” dhe stilisti im i asaj kohe kishte vetëm 2 opsione për mua. Ishte dita e Grammy-it, dhe duhet të zgjidhja një prej tyre. Ishte ky dhe një fustan i bardhë. Kur vesha jeshilin, të gjithë më thanë të ndaloja. Ai ishte. Ky ishte fustani!”- tregon Jennifer, e cila shtoi se frika e vetme e saj ishte se mos hapej papritur dhe gjoksi dilte zbuluar në mes të skenës.

Blogerja më e famshme në botë Chiara Ferragni, ka hedhur në treg së fundmi dokumentarin e saj Unposted, ku flet për jetën që nuk e shfaq në Instagram.

Ky dokumentar sipas mediave ka thyer rekord në historinë e kinematografisë italiane duke qenë filmi i publikuar në ditë jave me më shumë shikues dhe me më shumë bileta të shitura.

Dokumentari, pasi dha premierën në Festivalin e Filmit në Venecia, shfaqet në kinema prej vetëm tre ditësh. Mbi 160 mijë njerëz e kanë parë dhe janë shitur mbi 1.6 milionë euro bileta.

Në Chiara Ferragni Unposted rrëfehet ngjitja e Chiara-s deri këtu ku është sot. Ajo u rrit para kamerës, falë pasionit të së ëmës për të dokumentuar pushimet dhe ndodhitë e veçanta të familjes ndër vite. Rrëfehet spontaniteti i saj për të ndarë me botën jetën private, vështirësitë e martesës me Fedez, problemet e shtatzënisë dhe djalin e tyre, Leone.

“T’u tregoja të tjerëve për veten më trembte: S’isha mësuar të mos kisha kontroll. Kam postuar për jetën time që kur isha 16 vjeçe, në fillim në blog dhe tani në Instagram. Pastaj gjeta harmoninë me Elisa Amoruso-n, që më bëri të zbuloj pjesë të vetes që s’i njihja. Për shembull, s’e kisha kuptuar sa ndikim ka pasur nëna ime në atë që jam sot,” tha Ferragni.

Nga Unposted, Ferragni do që të “të përcjell një mesazh pozitiv: ji i vendosur dhe bëj ëndrrat e tua realitet. Jam shumë e lumtur që jam një burim frymëzimi dhe ndoshta do ta kuptoni më mirë pse përmes dokumentarit.”

Në dokumentar, Chiara projektohet si perfekte, gjithnjë në kontroll të situatës, “një person tejet pozitiv” me aftësi të shkëlqyera në komunikim dhe një dialog të pandërprerë me ndjekësit: “U lexoj gjithë mesazhet, komentet, bëj rregullisht sondazhe, kërkoj këshilla, përmes tyre u bëj ballë vështirësive.”

“Unë jam shumë e fortë, edhe pse në fillim bëhesha shumë keq kur lexoja mesazhe dhe komente negative. Më bënë të dyshoja të vetja, te rruga që kisha marrë. Tani e kam më të thjeshtë të mos ndikohem. Dua të jem një shembull kundër heronjve të tastierës dhe shumë shpejt do t’i dedikoj më shumë energji këtij misioni,” tregon ajo. Djali i saj, Leone, është një vjeç e gjysmë dhe është postuar në Instagram para se të lindte. Natyrisht, ky vendim u kritikua shumë.

“Ai është djali i dy personave të famshëm: të flas për Leo-n, për lumturinë tonë familjare më duket gjëja më normale dhe më transparente. Edhe ktëu gjej një mesazh pozitiv. Kur isha e vogël, mami filmonte gjithçka. Sot ndodh në rrjete sociale, është një ndryshim kulturor. Privatësia sot është një koncept i çuditshëm, ndryshe nga më parë. Për mua, të ndaj jetën me të tjerët është themelore. Jam një libër i hapur dhe nuk e kam problem të tregoj veten sepse jam njeri i mië: në rrjetet sociale dhe në realitet jam i njëjti njeri. Përpiqem vazhdimisht të përmirësohem dhe ta mendoj veten si një e tretë, si Chiara që dua të jem.”