Nëntori me ditët e tij të errëta dhe me shi duhet të ndriçohet me ushqime shumëngjyrëshe dhe pikante që sjellin dritë dhe ngrohtësi. Kuzhina Indiane, me aromat e saj dhe kombinimet e shijshme të ushqimit është e përsosur në këtë muaj. 

Ja cfarë nuk duhet të mungojë në tryezën tuaj gjatë këtij muaji:

Mollët

Mollët i përkasin familjes së trëndafilave. Më tepër se 2.500 lloje rriten në Shtetet e Bashkuara, dhe shijet e tyre variojnë nga te tharta deri në të ëmbla.Përdorni ato për një kombinim të ëmbël dhe të shijshëm si një shoqërues i derrit. Ose copëtoni mollë të freskëta dhe shtojini ato në tërshërë ose kos për të filluar ditën tuaj me një dozë të shëndetshme të fibrave, vitaminës B-6 dhe vitaminës C.

Panxhari i kuq

Panxhari jo vetëm që ka një pamje të bukur, duke qenë se ka një ngjyrë të kuqe  të fortë, por ka dhe një kombinim të shkëlqyer të së ëmblës me tokën. Por gjithashtu panxhari ka dhe shumë vlera ushqyese. Zgjidhni panxhar që është më i rëndë për nga madhësia e tyre dhe kujdesuni që mos të ketë të çara në lëkurë. Nëse shiten edhe me pjesën e bishtit, pjesa jeshile është tregues i freskisë dhe mund të gatuhen shumë shpejt.

Dardha

Dashamirësit e frutave mund të kalojnë besnikërinë e tyre tek dardha pasi sezoni i pjeshkës dhe nektarinës te mbaroje. “Kusherinjte” e molles kane shume vitamina dhe potasium i cili ju ben mire per shendetin e kockave.

Mandarina

Mandarinat i përkasin familjes së agrumeve së bashku me portokallet. Ato na japin një shije aq të ëmbël që na bëjnë të besojmë se vera nuk ka mbaruar edhe pse jemi në nëntor.

Perimet me rrënjë

Përveç karotës, ka dhe shumë perime të tjera me rrënjë që kanë një shije mjaft të mirë. Një nga ato është edhe preshi i gatuar me gjellë, byrek apo i shtuar në sallatë.Zgjidhni ato që janë të forta, kujdesuni që koka dhe bishtat e preshit në veçanti të jenë të gjelbra dhe të freskëta.