Connect with Us

Studimi/ Nëse flini keq apo pak orë, hani më shumë sheqerna dhe yndyrna

Shëndeti

Studimi/ Nëse flini keq apo pak orë, hani më shumë sheqerna dhe yndyrna

Publikuar

-

Nëse hani shumë sheqerna dhe yndyrna, kjo ndodh për shkak se nuk po flini mjaftueshëm. Këtë e ka vërtetuar një studim i botuar në Journal of the American Heart Association. Studiuesit nga Qendra Mjekësore Irving e Universitetit Columbia ekzaminuan lidhjet mes cilësisë së gjumit dhe dietës së rreth 500 grave.

Studimi rezultoi se ata që bënin gjumë të keq ose flinin shumë pak, konsumonin më shumë sheqerna, yndyrna të ngopura dhe kafeinë. Sipas studiuesve, gjetjet janë të rëndësishme sepse gratë janë në rrezik të lartë për obezitetin dhe çrregullimet e gjumit, nxisin konsum më të lartë ushqimi.

Ushqimet me sheqerna të shtuara dhe yndyrna jo të shëndetshme, lidhen drejtpërdrejt me kushtet shëndetësore dhe sëmundjet, përfshirë këtu diabetin, sëmundjet e zemrës dhe mbipeshën.

Më pak gjumë do të thotë më shumë ushqim jo i shëndetshëm

Mbi një e treta e grave të studiuara kishin cilësi të dobët të gjumit ose nivel të lartë pagjumësie. Gati 30% flinin më pak se shtatë orë në natë dhe luftonin me pagjumësinë. Koha mesatare e gjumit te gratë e testuara, ishte më pak se shtatë orë.

Në përgjithësi, gratë që nuk flinin mirë ose nuk flinin sa duhet, konsumonin mesatarisht 500 – 800 kalori shtesë. Gratë e reja që bënin gjumë të dobët gjithashtu konsumonin nivele të ulëta qumështi.

Lidhja mes gjumit të dobët dhe dietës jo të shëndetshme

Nivelet e pagjumësisë mund të ndikojnë në hipokampus, pjesën e trurit tuaj që rregullon marrjen e ushqimit. Nëse marrja e ushqimeve me sheqerna dhe yndyrë çon në aktivitet jonormal të hipokampusit, do të jetë më e vështirë të shmangni dëshirat për ushqime jo të shëndetshme.

Doktoreshë Brooke Aggarwal thotë se gratë janë në rrezik të lartë për obezitetin dhe çrregullimet e gjumit për shkak të disa faktorëve të ndryshëm, përfshirë ndryshimet hormonale para dhe pas shtatzanisë.

Fazat e jetës si rritja e fëmijëve, menopauza dhe përkujdesja ndaj bashkëshortëve të sëmurë ose anëtarëve të familjes, gjithashtu mund të shkaktojnë stresin që çon në komsujm të tepërt të ushqimit dhe gjumë të keq.

Si të flemë më mirë

Doktoreshë Brooke Aggarwal, tha se është e rëndësishme që njerëzit të kuptojnë lidhjen midis gjumit dhe dietës dhe se si mungesa e të parës ndikon në të ushqyerin keq.

Ajo sugjeron që çdo person të bisedojë me mjekun për çështjet e gjumit. Aggarwal sugjeron që dhoma e gjumit të jetë e errët dhe e ftohtë, ndërsa jeni duke fjetur dhe të mos depërtojnë drita të jashtme apo dritat e celularëve.

Një dietë më e shëndetshme mund të përmirësojë edhe gjumin tuaj. Meqenëse gratë me pagjumësi mund të jenë të predispozuar për të konsumuar pjesë më të mëdha të ushqimit, një mënyrë për të parandaluar konsumimin e kalorive të tepërta do të ishte zgjedhja e enëve të vogla./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Leave a Reply

Your email address will not be published. Required fields are marked *

Shëndeti

Siguron mbrojtje kundër kancerit të mushkërive/ Përzierja e këtyre dy produkteve ushqimore bën “mrekulli”

Publikuar

-

Nga

Ka shumë lloje të zakonshme të kancerit, e cila është quajtur ndryshe sëmundja e kohës sonë. Njëri prej tyre është kanceri i mushkërive. Një grup shkencëtarësh që hulumtonin temën zbuluan se ushqyerja me kos dhe fibra zvogëlon rrezikun e kancerit të mushkërive. Të ushqyerit ka një ndikim të madh në shëndetin e njeriut dhe ngrënia […]

LEXO TE PLOTE

Shëndeti

Përfshihet në dietën e Hilary Clinton dhe Beyonce/ Ky është ushqimi më përfitime të mahnitshme shëndetësore

Publikuar

-

Nga

Kohët e fundit, disa erëza janë promovuar jozyrtarisht nga prodhimet e përditshme të kuzhinës dhe përfshihen tek ushqimet me shumë përfitime. Hillary Clinton thuhet se hante një spec djegës në ditë ndërsa ishte në gjurmët e fushatës në përpjekje për të shmangur sëmundjet. Shafran i Indisë, i cili është përdorur në Azi për mijëvjeçarë, kohët […]

LEXO TE PLOTE

Shëndeti

10 ushqimet që ju nevojiten gjatë karantinës pa u shqetësuar për kilet e tepërta

Publikuar

-

Nga

Ndërsa nuk ka një ushqim me kalori zero, ka ushqime që mund t’i shijoni lirshëm pa pasur nevojë të shqetësoheni për paketimin e kileve. Sipas dietologut Dr. Lisa Young , këto ushqime përgjithësisht hyjnë në një nga dy kategoritë: pemë ose perime jo-niseshte. Young thotë se ka disa arsye pse nuk do të fitoni peshë […]

LEXO TE PLOTE